Tilkynningar

Fyrsta þríþrautarkeppni sumarsins var haldin í sól og sumaryl. Hér kepptu allar helstu kanónur landsins í greininni ásamt miklum fjölda í aldursflokkum. Metþátttaka var í byrjendaflokki sem og í unglingaflokkum. Þríþrautin er greinilega á blússandi uppleið.

Guðlaug Edda Hannesdóttir

negldi nýtt brautarmet kvenna og er farin að ógna strákunum verulega. Úrslit má sjá á thriko.is/live

Við þökkum keppendum og sjálfboðaliðum fyrir frábæran dag.

Langar þig að prófa þríþraut, skelltu þér á æfingu með okkur

Þríþrautarhelgi Breiðabliks fór fram um helgina. Á laugardagsmorgun var utanvegahlaup á Hólmsheiði og síðan hlaupið uppá Úlfarsfell. Að því loknu sundsprell með Görpum í sundlaug Kópavogs. Loks matur og hugleiðsla á 27 Mathús. Á sunnudaginn var 3 tíma hjólagaman sem endaði með kaffi á Pure Dehli. Semsagt bland í poka við allra hæfi og góð hvatning inn í sumarið framundan.

Brikk mót 3SH fór fram á þriðjudagsköld. Um var að ræða tvíþraut þ.e hlaup og hjól, á og við Krísuvíkurveg. Um 10 Blikar mættu og stóðu sig vel að vanda. Áttum 3 í topp 4. Stefán Karl sigraði, Brynjar Örn Borgþórsson þriðji og Bjarni Jakob Gunnarsson í 4 sæti. Einbeittur mótvindur upp Krísuvíkina en fantarennsli niður. Skemmtilegt mót með helmingsfjölgun þátttakenda miðað við í fyrra eða 50 keppendum. Vel skipulagt mót af 3SH fólki.

Við í Þríþrautardeild Breiðabliks erum svo heppin að hafa Viðar Braga Þorsteinsson sem þjálfara okkar. Þann 14. maí síðastliðinn veitti Breiðablik honum heiðursveitinguna Gullblikann.

Óhætt er að segja að hann lagt sál sína og krafta í félagið og er því vel að þessari viðurkenningu kominn.

Viðar stofnaði Þríkó ásamt 2 félögum sínum 2011. Þríkó varð síðan að sérdeild undir Breiðabliki 2018. Hann hefur setið í stjórn Þríkó frá stofnun og síðan í stjórn Þríþrautardeildar Breið...