Íþróttaskóli Breiðabliks
er starfræktur á veturna í íþróttahúsi Breiðabliks í Smáranum og er markmið hans að bjóða börnum á aldrinum 2-5 ára upp á fjölbreytt og markvisst hreyfinám sem tekur mið af þroskaþáttum barna. Við komum til með að vinna á stöðvum með fjölbreyttu hreyfiálagi þar sem börnin hafa kost á að svala hreyfiþörf sinni í jákvæðu og hlýlegu umhverfi.
Það er mjög mikilvægt að okkar mati að börnin finni þörf til þess að hreyfa sig og að þeim líði vel inni í íþróttasalnum. Rannsóknir hafa líka sýnt fram á að staðgóð grunnþjálfun þar sem áhersla er lögð á alhliða líkams- og hreyfiþroska og jákvætt umhverfi hefur mjög mikla og jákvæða þýðingu fyrir einstaklinginn þegar fram í sækir. Íþróttaskólinn er tilvalinn vettvangur til þess að undirbúa börnin fyrir hinar hefðbundnu íþróttagreinar. Hlökkum til að sjá ykkur!
Smelltu hér til að kaupa klippikortin góðu.– Við kaup á klippikorti færist viðkomandi sjálfkrafa í Sportablerhóp Íþróttaskólans. Í kjölfarið þarf samt að hafa samband við skráða þjálfara í Sportablerhópnum eða á Facebooksíðu Íþróttaskólans og biðja um að viðkomandi iðkandi sé færður í réttan árgangahóp í Sportabler svo að æfingarnar birtist í appinu(Sportabler). Gerð er krafa um að allir sem ætla að mæta á æfingu merki við sig í Sportabler, hámark 90 komast að í hvern tíma.
Forráðamenn sem keypt hafa 5 eða 10 skipta kort skulu sýna kvittun í símanum frá Sportabler í fyrsta tíma og fá þá klippikortið afhent hjá starfsfólki íþróttaskólans.
Athugið: Mæta þarf með klippikortin í alla tímana.
Klippikortin má alveg endilega nota fyrir fleiri en eitt barn.
Týnt/glatað kort fæst ekki bætt.
Mætið stundvíslega þannig að börnin séu tilbúin á tilsettum tíma:
Börn fædd 2020 og 2019 – Laugardögum kl. 09:00 – 09:45
Börn fædd 2018 og 2017 – Laugardögum kl. 10:00 – 10:45
Nánari upplýsingar veitir skrifstofa Breiðabliks. Sími: 441 8900 Netfang: breidablik@breidablik.is
Einnig er ágætt að fylgjast með Facebook síðu skólans: Facebooksíða Íþróttaskóla Breiðabliks
Dagskrá vorið 2023:
14. jan – Smárinn
21. jan – Smárinn
28. jan – Smárinn
4. feb – Kárnes ?
11. feb – Smárinn
18. feb – Smárinn
25. feb – Smárinn
4. mars – Smárinn
11. mars – Smárinn
18. mars – Smárinn
25. mars – Smárinn
1. apríl – Smárinn
8. apríl – Páskafrí
15. apríl – Ratleikur í Kópavogsdal ?
22. apríl – Smárinn
29. apríl – Smárinn