Í gær, föstudaginn 15. janúar, fór Íþróttahátíð Kópavogs fyrir árið 2020 fram í Salnum.

Þar sem 20 manna fjöldatakmarkanir eru í gildi var hátíðinni streymt í beinni útsendingu á netinu.

Upptöku af útsendingunni má finna hér.

–

Á hátíðinni voru veitt hin ýmsu verðlaun og viðurkenningar fyrir framúrskarandi árangur og starf í þágu íþrótta í bænum.

Hæst ber að nefna kosninguna á Íþróttakarli og -konu Kópavogs fyrir árið 2020, en þar voru hvorki fleiri né færri en 6 Blikar í hópi þeirra 10 sem tilnefndir voru.

Á endanum voru það Arnar Pétursson og Karen Sif Ársælsdóttir, bæði úr frjálsíþróttadeild Breiðabliks, sem stóðu uppi sem sigurvegarar.

Aðrir Blikar sem tilnefndir voru:

Ingvar Ómarsson – Hjólreiðar

Patrik Viggó Vilbergsson – Sund

Sonný Lára Þráinssdóttir – Knattspyrna

Sóley Margrét Jónsdóttir – Kraftlyftingar

–

Flokkur ársins var einnig heiðraður en að þessu sinni var það Meistaraflokkur kvenna í knattspyrnu – Breiðablik sem hlaut þann titil.

–

Í flokki 13-16 ára voru eftirfarandi Blikar heiðraðir:

Embla Hrönn Halldórsdóttir – Karfa

Guðmundur Karl Karlsson – Sund

Gunnar Erik Guðmundsson – Skák

Hlynur Freyr Karlsson – Knattspyrna

Júlía Kristín Jóhannesdóttir – Frjálsar

Kristín Helga Hákonardóttir – Sund

Logi Guðmundsson – Karfa

Margrét Davíðsdóttir – Skíði

Markús Birgisson – Frjálsar

Tómas Pálmar Tómasson – Karate

Vigdís Lilja Kristjánsdóttir – Knattspyrna

–

Breiðablik óskar öllu þessu frábæra íþróttafólki okkar til hamingju með glæsilegan árangur.

Við getum ekki beðið eftir að sjá ykkur og alla hina Blikana okkar, áfram, í fremstu röð á nýju ári.

Áfram Breiðablik.