Arnór Hermannsson hefur samið við Breiðablik um að leika með liðinu á komandi leiktíð í Dominosdeildinni. Arnór sem er fæddur árið 1998 er skapandi leikstjórnandi sem einnig getur leyst fleiri stöður á vellinum. Arnór hefur spilað allan sinn feril með KR, auk þess að vera fastamaður í öllum yngri landsliðum Íslands.

Breiðablik og KR áttust við í úrslitakeppni í unglingaflokki fyrr í þessum mánuði þar sem Arnór átti stórleik. Hann gerði sér lítið fyrir og hlóð í þrefalda tvennu með 13 stig, 12 fráksöst, 10 stoðsendingar, tveimur boltum náð og tvö varin skot.
Pétur hafði þetta að segja um komu Arnórs í Breiðablik:

„Ég er ánægður með að fá Arnór til okkar. Hann góður leikmaður sem hefði geta valið sér mörg lið. Hann hefur nú þegar sýnt sig í efstu deild og kemur til með að hjálpa liðinu með festu í varnaleiknum og auknu hugmyndaflæði í sókn“

Félagið fagnar komu Arnórs til Breiðabliks og bjóðum við hann hjartanlega velkominn í Kópavoginn. Spennandi tímar framundan.