Skákdeild Breiðabliks Íslandsmeistari unglingasveita 2018

Unglingasveit Skákdeildar Breiðabliks Íslandsmeistarar 2018

Íslandsmót unglingasveita fór fram í Garðaskóla sunnudaginn 9.desember s.l. Breiðablik sendi þrjár sveitir með iðkendum frá fyrstu bekkjum grunnskóla upp í þá efstu.

Í fyrstu umferð tefldu A og B sveitin saman og endaði sú viðureign með sigri þeirrar fyrr nefndu 3,5 – 0,5.  Í annari umferð var komið að viðureign við A-sveit Taflfélags Reykjavíkur sem er búin að vera samfelldur Íslandsmeistari í mörg ár þar til sú sigurganga var stöðvuð í fyrra.  Það er skemmst frá því að segja að A-sveit Breiðabliks vann stórsigur 3,5 – 0,5 og kom sér í ansi góða stöðu. Það sem eftir lifði móts gaf síðan A-sveit Breiðabliks engan grið og vann allar viðureignir í umferðum 3-7 með hreinu borði.

Lokastaðan:

  1. Skákdeild Breiðabliks A-sveit  27 af 28 mögulegum vinningum
  2. Taflfélag Reykjavíkur A-sveit 20,5 vinninga
  3. Skákfélagið Huginn A-sveit 19,5 vinninga
  4. Skákdeild Breiðabliks B-sveit 17 vinninga

B-sveit Breiðabliks varð Íslandsmeistari B-sveita og eðlilega unnu meðlimir A-sveitarinnar öll borðaverðlaunin.

A-sveit Breiðabliks

1.borð: Vignir Vatnar Stefánsson

2.borð: Stephan Briem

3.borð: Benedikt Briem

4.borð: Gunnar Erik Guðmundsson

 

B-sveit Breiðabliks

1.borð: Örn Alexandersson

2.borð: Ísak Orri Karlsson

3.borð: Tómas Möller

4.borð: Guðrún Fanney Briem

 

C-sveitin sem skipuð var iðkendum á aldrinum 5-9 ára stóð sig mjög vel og lenti í 10.sæti með 12,5 vinninga.

Liðstjórar voru Birkir Karl Sigurðsson og Kristófer Gautason.

Skákdeildin vill þakka þjálfurum sínum fyrir gott starf í vetur sem og undanfarin ár.