Íþróttahátíð Breiðabliks fór fram gær, miðvikudaginn 10.janúar í veislusal félagsins.
Hægt er að horfa á upptöku af hátíðinni með því að smella hér.
Um er að ræða árlegan viðburð sem haldinn er í boði aðalstjórnar Breiðabliks og hefur það markmið að sameina allar deildir félagsins, gera undanförnum árangri hátt undir höfði ásamt því að heiðra þá sem mest hafa skarað fram úr.
Ásgeir Baldurs, formaður Breiðabliks, setti hátíðina áður en að Arnór Daði, íþróttastjóri félagsins, kynnti hverja viðurkenninguna á fætur annarri.
Byrjað var á að verðlauna karl og konu úr hverri deild áður en að Deildar-, Þjálfara, Afreks- og Félagsmálabikarinn voru afhentir. Að lokum voru úrslitin úr kosningunni á Íþróttakonu og -karli Breiðabliks kunngjörð en þar fær hver deild innan félagsins eitt atkvæði ásamt aðalstjórn og íþróttastjóra.
Það er skemmst frá því að segja Sóley Margrét Jónsdóttir úr kraftlyftingardeildinni var kjörin Íþróttakona Breiðabliks og Vignir Vatnar Stefánsson úr skákdeildinni var kjörinn Íþróttkarl Breiðabliks.
Breiðablik óskar öllum verðlaunahöfum innilega til hamingju en lista yfir þá aðila má sjá hér fyrir neðan:
Frjálsíþróttakona – Birna Kristín Kristjánsdóttir
Frjálsíþróttakarl – Guðjón Dunbar Diaquoi
Hjólreiðakona – Björg Hákonardóttir
Hjólreiðakarl – Ingvar Ómarsson
Hlaupakona – Lilja Dögg Stefánsdóttir
Hlaupakarl – Thijs Kreukels
Karatekona – Móey María Sigþórsdóttir
Karatekarl – Samúel Týr Sigþórsson
Knattspyrnukona – Agla María Albertsdóttir
Knattspyrnukarl – Höskuldur Gunnlaugsson
Kraftlyftingarkona – Sóley Margrét Jónsdóttir
Kraftlyftingarkarl – Guðfinnur Snær Magnússon
Körfuknattleikskona – Aníta Rún Árnadóttir
Körfuknattleikskarl – Sölvi Ólason
Skákkarl – Vignir Vatnar Stefánsson
Skíðakarl – Björn Davíðsson
Sundkona – Freyja Birkisdóttir
Sundkarl – Ýmir Chatenay Sölvason
Þríþrautarkona – Ewa Przybyla
Þríþrautarkarl – Sigurður Örn Ragnarsson
*Rafíþrótta- og taekwondodeildin tilnefndu engan í ár ásamt því að skák- og skíðadeildin tilnefndu ekki konu í ár.
Deildarbikar – Kraftlyftingardeildin
Þjálfarabikar – Sigurður Örn Ragnarsson úr þríþrautardeildinni
Afreksbikar – Meistaraflokkur karla í knattspyrnu
Félagsmálabikar – Jón Jóhann Þórðarson
Íþróttakona – Sóley Margrét Jónsdóttir úr kraftlyftingardeildinni
Íþróttakarl – Vignir Vatnar Stefánsson úr skákdeildinni
