Aðalfundur Breiðabliks fór fram í kvöld, þriðjudaginn 14.maí, í troðfullum Smáranum. Veislusalur félagsins sem hýsti fundinn var reyndar ekki alveg troðfullur en öll önnur rými í Smáranum voru það enda hófst 2000 manna oddaleikur Grindavíkur og Keflavíkur í undanúrslitum íslandsmótsins í körfubolta karlamegin stuttu seinna. Það er skemmst frá því að segja að vinir okkar í Grindavík báru sigur úr býtum og mæta þeir Val í úrslitum. Stemmningin í Smáranum virðist því engan enda ætla að taka!
En aftur að aðalfundinum, á dagskrá voru venjuleg aðalfundarstörf og var fundarstjóri að þessu sinni Guðmundur G. Sigurbergsson.
Ásgeir Baldurs var endurkjörinn formaður félagsins til eins árs.
Guðrún Drífa Hólmgeirsdóttir, Benedikt Sigurðsson og Jóhann Þór Jónsson voru kjörinn í aðalstjórn félagsins til tveggja ára. Jóhann Þór er nýr í stjórn félagsins en útúr stjórn gekk Aðalheiður María Vigfúsdóttir og voru henni þökkuð fyrir frábær störf.
Eftirtaldur hlutu heiðursviðurkenningar á fundinum:
Silfurblikar:
Hallgrímur Davíð Björnsson, skíðadeild
Flosi Eiríksson, knattspyrnudeild
Gunnar Jónsson, knattspyrnudeild
Halldóra Gyða Matthíasdóttir Proppe, þríþrautadeild
Þórólfur Þorsteinsson, körfuknattleikdeild
Gullblikar
Halldór Arnarsson, knattspyrnudeild
Sigrún Óttarsdóttir, knattspyrnudeild
Heiðursviðurkenningar UMSK
Varaformaður UMSK, Lárus Lárusson veitti eftirtöldum aðilum viðurkenningar:
Aðalheiður María Vigfúsdóttir frjálsíþróttadeild, silfurmerki UMSK
Einar Pétursson, körfuknattleiksdeild, silfurmerki UMSK
María Sæm Bjarkardóttir, hjólreiðadeild, silfurmerki UMSK
Hákon Sverrisson, knattspyrnudeild, silfurmerki UMSK
Jóhann Þór Jónsson, knattspyrnudeild, silfurmerki UMSK
Skýrslu stjórnar og deilda ásamt ársreikningum má finna hér.
-
- Þórólfur Þorsteinsson stjórnarmeðlimur aðalstjórnar sæmdi Gunnar Jónsson silfurmerki félagsins fyrir góð störf í þágu knattspyrnudeildar
-
- Lárus Lárusson varaformaður UMSK ásamt Aðalheiðu Maríu Vigfúsdóttur. Lárus veitti nokkrar viðurkenningar frá UMSK og t.a.m. sæmdi hann Aðalheiðu silfurmerki UMSK fyrir starf sitt í aðalstjórn Breiðabliks og í frjálsíþróttadeild félagsins
-
- Björgvin Smári Kristjánsson fjármálastjóri Breiðabliks og Eysteinn Pétur Lárusson framkvæmdarstjóri félagsins
-
- Röð þeirra sem biðu eftir að komast inn í Smárann meira en klst fyrir oddaleik Grindavíkur og Keflavíkur í undanúrslitum íslandsmótsins í körfubolta karlamegin. Um 2000 manns fylltu Smárann og bar Grindavík sigur úr býtum
