Á morgun laugardag fer fram úrslitaleikur Mjólkurbikars karla.
Leikurinn er gegn Stjörnunni og hefst hann kl 19.15 á Laugardalsvelli.
Blikar blása til fjölskylduhátíðar kl. 16 í Þróttaratjaldinu í Laugardalnum þar sem stuðningsmenn Blika geta hitað saman upp fyrir leikinn.
Breiðablik býður upp á pylsur, gos og svala. Þá verða kaldir drykkir til sölu á góðu verði.
Blikaklúbburinn verður með grænan Blikavarning til sölu á staðnum.
Það verða hoppukastalar og andlitsmálning fyrir börnin. Leikur Watford og Manchester United verður sýndur á risaskjá í tjaldinu og Kópacabana mun æfa sögngva fyrir leikinn. Kópacabana mun svo leiða skrúðgöngu yfir á Laugardalsvöll fyrir leik.
Miðasala fer fram á Tix.is en einnig verður hægt að kaupa miða í miðasölunni á Laugardalsvelli frá kl. 12 á laugardag.
Nú þarf liðið stuðningi allra Blika að halda.
Áfram Breiðablik
…það liggur í loftinu
