Blikinn snjalli Kolbeinn Þórðarson hefur samið við belgíska 1. deildarliðið Lommel til þriggja ára.
Eins og blikar.is var búið að segja frá var knattspyrnudeild Breiðabliks búin að samþykkja tilboð Belganna í þennan unga og efnilega miðjumann. En Kolbeinn átti eftir að ganga fá sínum málum. Það hefur nú gengið eftir og flytur leikmaðurinn snjalli til Lommel á næstu dögum.
Blikar óska Kolbeini til hamingju með þennan samning. Við erum sannfærð að leikmaðurinn eigi eftir að standa sig vel í Belgíu enda hefur hann alla burði til að ná langt í boltanum.
