Blikar með 11 Íslandsmeistaratitla á ÍM25 í sundi

Íslandsmeistaramótið í opnum flokki í 25m laug (ÍM25) fór fram um síðustu helgi. Undanrásir voru syntar að morgni hvers dags og úrslit seinni part dagsins. Sundmenn þurfa að ná ákveðnum lágmörkum til að öðlast keppnisrétt á mótinu og átti Sunddeild Breiðabliks 24 keppendur á mótinu. Sundfólkið okkar stóð sig mjög vel. Íslandsmeistaratitlar í einstaklingsgreinum urðu samtals 11 og sveit félagsins einn í boðsundi.

Patrik Viggó Vilbergsson varð fjórfaldur Íslandsmeistari á mótinu; sigraði 400m fjórsund, 400m, 800m, 1500m skriðsund auk þess að setja piltamet í 800m skriðsundi (flokkur 15-17 ára). Ragna Sigríður Ragnarsdóttir varð þrefaldur Íslandsmeistari; 400m, 800m og 1500m skriðsundi. Brynjólfur Óli Karlsson varð þrefaldur Íslandsmeistari í 200m baksundi, 200m flugsundi og 200m skriðsundi. Kristín Helga Hákonardóttir varð Íslandsmeistari í 200m skriðsundi. Einnig varð sveit Breiðabliks Íslandsmeistari í 4x200m skrið kvenna. Sveitina skipuðu; Ragna Sigríður, Freyja Birkisdóttir, Stefanía og Kristín Helga. Blikar fengu 10 silfur og 8 brons í einstaklingsgreinum og 4 silfur og 2 brons í boðsundum. Til hamingju sundfólk og þjálfarar!